శ్రీశైలంలో కదులుతున్న లింగం

శ్రీశైలంలోని శివలింగానికి దాని చుట్టూ వుండే పానపట్టానికి నడుమ కాస్త గ్యాప్ రావడం ఇప్పుడు సంచలనంగా మారింది. ఈ విధంగా గ్యాప్ రావడం వల్ల లింగం కదులుతోంది. ఇది మంచికా, చెడుకా అన్న ఆందోళన భక్తుల్లో కలుగుతోంది. అయితే ఈ ఖాళీని పూడ్చే ప్రయత్నాన్ని అధికారులు చేస్తున్నారు. ఇదిలా వుంటే తరచు వేలాది, లక్షలాది భక్తులు లింగాన్ని చేత్తో తాకడం వల్ల వచ్చే వత్తిడి తక్కువేమీ కాదని, దానివల్ల లింగం పరిణామం అరిగి, ఈ విధమైన ఖాళీ ఏర్పడి వుండవచ్చని నిపుణులు చెబుతున్నారు. అంతే తప్ప ఇది మరే విధమైన సంకేతం కాదని వారంటున్నారు. మొత్తం మీద ఇప్పుడీ వార్త సంచలనమైంది.